MaDo كبير المشرفين
عدد الرسائل : 20 العمر : 36 رقم العضوية : 3 تاريخ التسجيل : 29/01/2008
| موضوع: ما بعد الامتحانات الثلاثاء يناير 29, 2008 11:40 am | |
| تخيل كده لو انت عندك امتحان بكره وعندك ماده زفت وهباب وانت ماشاء الله مذاااااااااكر واكل الكتب اكل (انت حتقولى مانا عارفك) تيجى الست الوالده او الوالد مفرقتش يعنى ويقولك اصحى يابنى عندك امتحان عشان متتأخرش ماشى هحصى اهو ثوانى اخطف حلم سريع واصحى هتخطف ايه وهباب ايه قوم يلا عندك امتحان تقوم انت متنرفز وقايل فى سرك يييييييييي يادى اليوم الاسود ارحمونى يا جماعه عايز اتزفت وانام مهو اليوم بيبان من اوله
وبعد ماتقوم بطلوع الروح وبالضرب بالجزم والشباشب وتلبس هدومك ونازل والدنيا ساقعة وانت حراااااان وايدك متلجه (متقوليش ازاى) وانت بقى داخل اللجنه ومش مذاكر وقاعدد جمبك واد تعبان خالص مالص والمراقب راجل غتت وفجأه دخل المراقب ويقول اللى حسمعه بيتكلم مع اللى جنبه ولابيفكر يتكلم مع اللى حنبه ولابيحاول يبص على اللى جنبه هطرده هو واللى جنبه وحيبقى ذنبه على اللى جنبه
تقوم انت قايل للى قاعد جنبك ايه ياعم المراقب ده تعبان ده ولا ايه روح اديله حبايه ريفو عشان يهدى فكك ياعم منه ده شكله بيحب فوازير رمضان ولا ايه
وفجأه وقف معاك سؤال وعايز تغش (اه ياغشاش) والمراقب شافك(اه يا منيل بتغش) وراح قالك يابنى يابنى انا روحى في مناخيري وممكن اضربك عليا الطلاق بالتلاته الغيلك الامتحان
تقوم انت قايل للواد اللى جنبك بعد ماالمراقب يمشى من ادامك ايه ياعم الراجل دا لو روحه في مناخيره يارب يعطس عشان روحه تطلع اه والله عندك حق انا مره كانت روحى في مناخير شربت نعناع نزلت تحت ههههههههههه لا وبيقولك عليا الطلاق ياعم روح نام ولا اقعد فى حته ناشفه تلاقي مراته مطلعه عينيه ونفخاه وحيطلع غله فينا
وفجأه كده وانت قااعد بتحل فالامتحان والواد اللى وراك مخنووووووق من اللى جنبه وعمالين يتعاركو وفجأه الواد اللى وراك قال لاصنع اليابان ولاصنع الصين ده صنع بلدنا وبجنيه ونص ومبيترئعش وراح ضرب الواد اللى جنبه حتته افه طااااااااااااااااااااااااااااااااااااااخ المراقب سمع صوت الافه جرى علي الواد راح الواد جابها فيك والمراقب لغالك الامتحان
وتروح البيت وانت مش حالل حاجه وساقط ومتبهدل مامتك تقولك عملت ايه يابنى؟ تمام ياماما ده انا حطلع الاول ع الكليه كلها ده كل العيال بتعيط فاللجنه وانا اللى قاعد عمال ااااضحك ااااضحك لابجد شاطر ياحبيبى طالعلى تقوم قايل فى سرك احلى حاجه فالست دى انها بتصدق بسرعه الست دى امى غلبانه طول عمرها
وتفضل انت بقى مقضى اليوم مكالمات فى التليفون والفاتوره كل شهر تيجى عاليه وابوك يطلع عينك شتيمه وقله ايمه
ويجى الوقت اللى طلعت فيه النتيجه واوبه النتيجه مليانه مواد رسووووب
ويجى ابوك يقوم رزعك حته قلم على وشك زوووووووووووووووووووووووووووووووووو اه يا فاشل يا فاشل يا فاشل تضحك عليا وتقولى مقفل الدرجات وحياة امك الغاليه لقتلك ليه كده بس يابابا ده انا بحبك حب محبوش انسان واه يا حبيبي وحياة اغلى حاجة عندك (ماشى ياعم تامر حسنى)
وااادى اخره الامتحانات ياعم شتيمه وبهدله ونذاكر ويطلع عينا وفالاخر مش عاجب هههههههههههههههه بعد كده نشق هدومنا | |
|
RoSaLiNdA Admin
عدد الرسائل : 29 العمر : 36 البلد : مصراوية وأفتخر الوظيفة : المشرف العام رقم العضوية : 1 تاريخ التسجيل : 28/01/2008
| موضوع: رد: ما بعد الامتحانات الثلاثاء يناير 29, 2008 12:10 pm | |
| هههههههههههههههههههههههههههههههههههههههههههههههههههههههه ليه بس يا محمد ربنا يجعل كلامنا خفيف عليهم يا عم احنا منتظرين النتيجة اهووووووو ربنا يسترها يارب بس جميله يا محمد | |
|
MaDo كبير المشرفين
عدد الرسائل : 20 العمر : 36 رقم العضوية : 3 تاريخ التسجيل : 29/01/2008
| موضوع: رد: ما بعد الامتحانات الثلاثاء يناير 29, 2008 12:14 pm | |
| - RoSaLiNdA كتب:
هههههههههههههههههههههههههههههههههههههههههههههههههههههههه
ليه بس يا محمد ربنا يجعل كلامنا خفيف عليهم يا عم احنا منتظرين النتيجة اهووووووو ربنا يسترها يارب
بس جميله يا محمد هههههههههههههههههههه شكرا يا Rose على مرووووورك الحلو جدا وربنا يسهل كل حاجة وربنا يستر بجد ههههههههههههههه | |
|
لؤلؤة اسكندرية غصن جديد
عدد الرسائل : 11 العمر : 32 البلد : alex الوظيفة : مش مهم رقم العضوية : 5 تاريخ التسجيل : 29/01/2008
| موضوع: رد: ما بعد الامتحانات الأحد فبراير 03, 2008 4:28 pm | |
| يا ساتر بلاش سيرة الامتحانات والحاجات الفظيعة دى خلينا كده كويسيين من غير امتحانات ولا حاجة وربنا يستررررررررررررررررررررر | |
|